Pambansang Kamalayan

Pulo pulo ang bansang Pilipinas

Ibat ibang wika ang pinamamalas

Pambansang kamalayan maari bang kamtan bukas?

Kaya ang Pangulong Quezon ay naglabas ng panukala

Na wikang Filipino ang siya nating pambansang wika

Nang bawat  tao’y magkaintindihan, magkaunawaan

Sa tuwid na landas na ating ninanasa

Banyagang wika’t di masamang tangkilikin

Huwag lang kalilimutan pambansang wika natin

Bagamat Filipino’y ating linangin

Pagkamakabayan ating panatilihin.

Masakit mang isipin at mahirap tanggapin

Ngunit wikang Filipino’y nasasapawan narin

Nang wikang Ingles na ginagamit natin

Sa paaralan,opisina o saan ka man makarating

Ang pagkakaintindihan ay napakahalaga

Nang ang isang bansa’y magkaisa

Sa maliwanag na bukas na ating nakikinita

Para sa ating bansang sinisinta

Tunay ngang ang wika’y napakahalaga

Sa minimithing kaunlaran ng bawat isa

Kaya wikang Filipino’y ating tangkilikin

Upang masaganang bukas ating kamtin.

                                                            -MJ Empalmado